Pasi u tha se ishte e kopjuar, kënga e Capital T rikthehet në ‘Youtube’

Pak ditë më parë reperi i njohur, Capital T publikoi këngën e tij të radhës me titull “Akull”. Ky projekt u kthye menjëherë në hit, megjithatë shumë veta e cilësuan hyrjen e këngën si të kopjuar nga “Galliyan”, kolonë zanore e filmit të famshëm të BollyWood-it “Ek Villain”. Reperi u shpreh se nuk kishte dijeni për këtë, se do e ndryshonte dhe shumë shpejt do e rikthente në ‘Youtube’. Duket se ai e ka mbajtur fjalën, pasi “Akull” tashmë është sërish në “Youtube” dhe nuk ka më vend për polemika.