Brenda pak orësh në rrjetin social ‘Instagram’ u përhap me shpejtësi videoja e moderatores së njohur të emisionit të mëngjesit ‘7pa5’, Pranvera Borakaj. Moderatorja e kishte të vështirë të vazhdonte emisionin nga të qeshurat, por nga videoja askush nuk mund të kuptonte se çfarë e kishte shkaktuar atë situatë qesharake. Blogeri Olti Curri ka publikuar në ‘Instagram’ videon dhe krahas saj ka shkruar: “E qeshura ngjitëse e Pranvera Borakaj. Aman na thuaj pse qeshe se na mbeti fiksim”.
https://www.instagram.com/p/BqZk3RrBKK-/?utm_source=ig_embed
Menjëherë pas kësaj nuk ka munguar edhe përgjigja nga ana e moderatores, e cila ka shpjeguar se çfarë ka ndodhur. “Aman se e kisha harruar këtë. Ndërsa bënim lidhjen me ‘Skype’, korrespondenti nuk e mbante videon nga zonja Rita, por nga shtëpia dhe në dhomë lëvizte i shoqi me tuta, se ora 9 e mëngjesit. Unë insistoja që ta kthenim kamerën nga vetja, por ishte e pamundur. Dhe në momentin që e ktheu , aty u ndërpre lidhja. Ndërsa unë bëja pyetje, shikoja vetëm një zotëri që lëvizte me tuta në dhomë dhe e ftuara nuk ishte asgjëkund. Ishte e pamundur ta mbaja të qeshurën, jo vetëm unë, por i gjithë stafi dhe e ftuara e radhës që ishte në studio. Dhe shyqyr që qeshim, se e qeshura të shton jetën! Përkonte dhe me temën se po flisnim për 60-vjetorin e estradës”, – ka shkruar Pranvera. /revistawho.com
