Patris Berisha prej disa muajsh po qëndron në SHBA për shkak të profesionit të tij si instrumentist. Duke qenë se prej kohësh ai nuk është takuar me Tunën dhe djalin e tij, Tian, shumë dyshuan se ky largim i Patrisit nuk ishte vetëm për punën. Në media u aludua se ai dhe Tuna i kishin dhënë fund marrëdhënies së tyre disavjeçare, ndaj Berisha kishte vendosur të ikte sa më larg. Në fakt këto dyshime u hodhën poshtë pasi Patrisi publikoi një foto të Tianit duke treguar se kishin mbetur 10 ditë nga takimi i tyre. Së fundmi instrumentisti e ka theksuar se mes tij dhe Tunës gjithçka po shkon më së miri me anë të një postimi në ‘Instagram’. Patrisi ka zbuluar se ditën e nesërme ai do të ketë mundësinë të takojë familjen e tij, sepse Tuna dhe Tiani janë duke udhëtuar drejt Amerikës. Ai ka publikuar në ‘Instagram’ një foto të këngëtares dhe djalit të tyre shoqëruar me mbishkrimin: “Ata po vijnë. Ka mbetur vetëm 1 ditë. Mezi po pres të shikojë familjen time të bukur”.
Në këtë mënyrë Patrisi ka shuar çdolloj dyshimi për ata që vazhdojnë të mendojnë se ai dhe Tuna nuk janë më bashkë. Kjo nuk është hera e parë që çifti i njohur përfliten për një ndarje të mundshme, por ata kanë vërtetuar gjithmonë se dashuria mes tyre është shumë e fortë. /revistawho.com
