Pavarësisht përpjekjeve për t’i rifituar zemrën, Khloe është e vendosur për të mos e falur Tristan

Khloe Kardashian dhe Tristan Thompson kanë qëndruar gjithmonë pranë njëri-tjetrit për shkak të bashkëprindërimit për vajzën e tyre, True. Ndërkohë së fundmi është vënë re se Tristan po përpiqet sërish t’i fitojë zemrën Khloe-s, por duket se kjo e fundit është e vendosur për mos ta falur. “Nuk ka rëndësi se çfarë bën ai, Khloe nuk ka asnjë interes që të përfshihet sërish në një lidhje romantike me Tristan. Ajo e di se ai mund të përpiqet ta fitojë përsëri, por njerëzit e afërt të saj e dinë që as nuk e ka në plan të pajtohet”, ka thënë një burim pranë dyshes për ‘Hollywood Life’. Tristan e surprizoi Khloe-n në mënyrën më të bukur për lançimin e aromës së rë të “KKW Fragrance”. Ai i dërgoi si dhuratë disa tullumbace të mëdha që lexonin “Pink Diamond”, njësoj si aroma specifike e saj. Ky veprim erdhi pas disa komenteve flirtuese që Tristan ka lënë në fotografitë e fundit të Khloe të postuara në rrjete sociale. Megjithatë duket se këto gjëra nuk i interesojnë aspak yllit të “Keeping Up With The Kardashians”, sepse sipas disa burimeve ajo nuk mundet ta harrojë atë çfarë i bëri Tristan, pavarësisht dhuratave që ai blen për të. Lidhja e Khloe dhe Tristan ka kaluar në shumë peripecira për shkak të tradhtive të njëpasnjëshme të basketbollistit. Si fillim ai u ‘kap mat’ duke tradhtuar Khloen kur ajo ishte shtatzënë dhe më vonë u zbulua se Tristan ishte puthur me shoqen e ngushtë të Kylie Jenner, Jordyn Woods. /revistawho.com