Loredana dhe Mozzik për një muaj të tërë kanë qenë qendra e vëmendjes mediatike, për shkak të një skandali mashtrimi, i cili u zbulua nga mediat zvicerane. Në fillim ishte Loredana ajo që u akuzua nga një çift nga Zvcra për marrjen përmes kërcënimeve të 700 mijë frangave. Më pas në këtë skandal mashtrimi u përfshinë edhe familjarë të tjerë të Loredanës, si dhe Mozzik. Dyshja e njohur i hodhën poshtë akuzat në një konferencë për shtyp, por megjithatë kjo histori shkaktoi reagime të shumta nga ana e publikut. Nëse mund të mendohej se kjo gjë mund të shkatërronte karrierën e dy artistëve, në fakt duket se po ndodh e kundërta. Përpara pak ditësh Mozzik publikoi një këngë, “A milly”, në bashkëpunim me Dardan. Që në momentet e para kënga u dëgjua me mijëra herë dhe sot numëron me miliona shikime në ‘Youtube’. Madje kryesorja është që “A milly” renditet në vendin e parë të këngëve të më të dëgjuara në Zvicër. Këtë gjë e ka treguar vëllai i Mozzik, Getinjo përmes një ‘Instastory’.
Kjo do të thotë se edhe pse Mozzik njihet si “personazhi negativ” në Zvicër, publiku vazhdon ta dojë dhe të dëgjojë këngët e tij. Çështja e Loredanës nuk është mbyllur akoma nga autoritetet zvicerane, por pas këtij sinjali nga kënga e Mozzik mund të kuptohet se karriera e tyre nuk do të marrë asnjëherë fund. /revistawho.com
