Emina Çunmulaj prej vitesh jeton në SHBA, vend në të cilin ka ndërtuar edhe familjen e saj. Pavarësisht se është larguar në një moshë shumë të vogël nga vendlindja e saj, ajo nuk i ka harruar asnjëherë traditat e kulturën shqiptare. Herë pas here ish-modelja rikthehet në shtëpinë e saj për të vizituar njerëzit e afërt, por edhe kur nuk mundet ta bëjë këtë gjë mjaftohet me një bisedë përmes telefonit. Ditën e sotme Emina ka treguar se mëngjesin e ka nisur në mënyrën më të bukur, duke folur në ‘FaceTime’ me babain e saj dhe një mik të tij. Ajo ka publikuar në ‘Instagram’ një video në të cilën shihet i ati duke peshkuar gjatë kohë që edhe komunikon me të. “Mali i Zi i bukur. Babai im dhe shoku i tij më i mirë duke peshkuar. Një pjesë e madhe e zemrës sime është gjithmonë në shtëpi”, ka shkruar Emina përkrah videos.
Ish-modelja shqiptare ka një lidhje shumë të ngushtë me familjarët e saj dhe kjo marrëdhënie është forcuar akoma dhe më shumë pas ndarjes nga jeta të nënës. Në vizitat e shpeshta në vendlindje Emina ka treguar gjithmonë se vazhdon t’i dojë po njësoj rrënjët e saj dhe se nuk ka për ta harruar kurrë fshatin në të cilin kaloi një pjesë të jetës. /revistawho.com
