Vetëm pak javë më parë Alban Dudushi dhe Bieta Sulo festuan ditëlindjen e parë të voglit të shtëpisë, Kroi Art. Çdo ditë e më tepër Kroi Art rritet dhe ndryshon edhe interesi për gjërat që e rrethojnë. Por duket se ndryshe nga fëmijët e tjerë, djali i Albanit dhe Bietës paska interesa të veçanta.
Bieta ka publikuar në ‘InstaStory’ një video në të cilën Kroi Art shkon drejt televizorit dhe fillon të dëgjojë me vëmendje edicionin infomativ. Pavarësisht se ai nuk kupton asgjë që thuhet duket se është shumë i përqëndruar, madje as mami Bietës nuk i kthehet kur i thërret. “Tek politika e paskemi interesin më duket”, – ka shkruar Bieta. Në fakt nuk do të ishte çudi që kur të rritet Kroi Art të bëhej një gazetar, duke qenë se këtë e ka dhe në gen nga prindërit, apo pse jo edhe politikan. /revistawho.com
