Prej disa kohësh në rrjete sociale po qarkullon kënga më e re e Capital T, “Akull”, të cilën reperi pritet ta publikojë ditën e nesërme. Sot reperi ka zbuluar se kënga e tij është vjedhur dhe publikuar ilegalisht dhe ende nuk dihet se kush e ka bërë këtë gjë. Pavarësisht se kjo gjë nuk do t’i pëlqente asnjë artisti, Capital T është shprehur i lumtur që fansat e tij e kanë siguruar këngën dhe e kanë dëgjuar. “Asnjëherë më parë nuk kam qenë i emocionuar për publikimin se sa për ‘Akull’ edhe pse kënga është vjedhur dhe publikuar ilegalisht, jam i lumtur që njerëzit e kanë dhe janë kënaqur duke e dëgjuar e tani me kualitetin e duhur e bashkangjitur me një video që e pasqyron më se miri këngën”, ka shkruar Capital T përkrah një fotoje të tij.
https://www.instagram.com/p/B5KxZTBh9Va/
Dikush nga fansat e ka pyetur mos ndoshta vjedhja e këngës ka ardhur si pasojë menaxhimit të keq, por Capital T ka treguar se nuk ka lidhje me këtë gjë, por për shkak se videoklipi i saj nuk ishte ende gati. Para pak javësh, pasi kënga ishte shpërndarë në rrjet, reperi tregoi se këngën do e xhironte në Gjermani, ndaj me siguri edhe këtë herë videoklipi do të jetë i një cilësie të lartë. /revistawho.com
