Mesa duket Cardi B këto ditë ndodhet larg familjes së saj dhe për këtë arsye është bërë shumë e ndjeshme. Ajo nuk ka frikë të pranojë publikisht se përveç vogëlushes së saj, Kulture, i mungon edhe ish-partneri, Offset. Reperja ka publikuar në ‘Instagram’ një foto të të dyve me mbishkrimin: “Dua të shkoj në shtëpi”.
Ajo është kujdesur që të mbulojë fytyrën e vajzës, sepse nuk dëshiron që imazhi i saj të bëhet publik. Në fakt Cardi B e ka pranuar herë pas here në forma të ndryshme se i mungon Offset, pavarësisht se e ka të vështirë ta falë për tradhtinë e tij. Madje së fundmi në mediat rozë është përfolur për një ribashkim të dyshes, por se çfarë do të ndodhë mes tyre pritet ta shohim në vijim. /revistawho.com
