Kanë kaluar plot katër vite që nga koha kur Einxhel Shkira u bë pjesë e spektaklit “Big Brother VIP Albania”, eksperiencë që, sipas saj, ndryshoi gjithçka. Për shumë njerëz ajo ishte thjesht një konkurrente, por për Einxhelin, ai ishte fillimi i një kapitulli të ri — ai ku gjeti dashurinë, familjen dhe paqen e brendshme.
Në një postim të ndjerë në InstaStory, moderatorja ndau një kujtim nga ajo periudhë, duke reflektuar për ndryshimet që ka përjetuar ndër vite. “Ndërkohë si sot, 4 vjet më parë. Kanë ndryshuar shumë gjëra që atëherë,” shkroi ajo, teksa publikoi një foto të vjetër nga koha e “BBVA”-së.
Më pas, Einxhel u bë edhe më personale:
“Mund të më mungojë pamja e saj, trupi, flokët, fytyra… por jo jeta e saj. Ah, sikur ta dinte atë ditë se do të ishte jeta e saj pas katër vitesh, do kishte barrën më të lehtë në shpirt dhe do flinte më e qetë.”
Moderatorja shtoi se vetëm pasi përjetoi dashurinë dhe bekimet që jeta i solli, kuptoi boshllëkun që e kishte shoqëruar dikur.
“Nuk e kuptoja sa bosh dhe e trishtuar isha, derisa përjetova lumturinë hyjnore dhe plotësim shpirtëror. Faleminderit Zot për bekimet e tua,” përfundoi ajo.
Sot, Einxhel Shkira dhe DJ Dagz janë jo vetëm një çift i dashur për publikun, por edhe simbol i një lidhjeje që lindi nga dritat e show-t dhe u bë histori e vërtetë dashurie jashtë kamerave.
