Aurela Gaçe është një ndër këngëtaret më energjike të skenës dhe gjithë fuqinë e saj mundohet ta përcjellë edhe tek publiku që e ndjek gjatë netëve ‘live’ apo në koncerte të ndryshme. Ajo është ndër ato personazhe që një pjesë të mirë të ditës ja kushton kujdesit për veten dhe nuk ngurron që momente nga rutina e saj stërvitore t’i ndajë me të tjerët. Aurela ka disa vite që ushtrohet vazhdimisht në palestër dhe rezultatet janë mjaft të dukshme.
https://www.instagram.com/p/BtEMekUgThU/
Sot ajo ka treguar se për 2 vite, që nga koha e lindjes së vajzës së dytë, ka humbur 23 kilogramë, falë vullnetit për t’u stërvitur. Këngëtarja ka publikuar në ‘Instagram’ një foto të sajën 6 muaj pas lindjes së vajzës dhe një të shkrepur ditën e sotme. Në të dyja vihet re shumë lehtë ndryshimi i madh, ku pjesa më e dukshme është barku i saj. Ajo ka treguar se të gjithë këtë e ka arritur pa ndjekur dieta strikte, sepse gjithmonë ka konsumuar ushqimet që ka dashur.
“Pra, as e stresova veten dhe as mbajta dieta të forta. Madje kam ngrënë shëndetshëm, por edhe ha nëse më hahet picë e akullore. Një jetë kam dhe nuk dua t’i privoj vetes të drejtën për të shijuar ushqimin, pasi jam njeri që ha me dëshirë e me neps. Nuk kam kërkuar forma perfekte, sepse ato bëhen me mënyrë tjetër jetese, duke filluar nga ushqimi. Thjesht s’kam ndaluar stërvitjen. 23 kilogramë më pak për 2 vjet. Por e rëndësishme është se ndjehem e fortë, e lehtë, e palodhur. Vajza, nëna, mama të reja, mos lejoni askënd t’ju tregojë se nuk mundeni”, ka shkruar Aurela bashkangjitur fotos.
Këngëtarja ka treguar shpesh se ndjekja e këtij ritmi në stërvitjen fizike e ka ndihmuar shumë edhe për energjinë e saj në skenë. Kujtojmë se Aurela është nënë e dy vajzave, Grace dhe Abigail dhe frymën e të stërviturit duket se ka filluar t’jua mësojë që tani dy vogëlusheve. /revistawho.com
https://www.instagram.com/p/BvUjatDAGFg/
