Sezoni i pushimeve i Kledi Kadiut dhe familjes së tij duket se ka nisur, por ndryshe nga një pjesë e madhe e njerëzve që e shijojnë të nxehtin pranë bregut të detit, ata e kanë kaluar në mal. Kjo ka qenë një risi edhe për vetë balerinin, pasi gjithmonë i ka kaluar pushimet e verës në plazh, por duket se kjo eksperiencë ‘ndryshe’ ka rezultuar shumë e bukur për të gjithë. “Të gjesh kohën të dedikohesh. Është hera e parë që ne i nisim pushimet në mal, zakonisht i kalojmë në det. Ishte një surprizë dhe Lea e pëlqeu shumë. Shumë të bukura Dolomitet, sidomos në verë. Pushime të mbara të gjithëve”, ka shkruar Kledi pranë një fotoje ku shfaqet së bashku me bashkëshorten dhe vogëlushen e tyre në krah. Ai gjithashtu ka publikuar disa pamje nga vendi ku kanë pushuar, i rrethuar nga gjelbërimi, male të larta dhe sheshe pushimi. Kujtojmë se Kledi prej vitesh jeton në Itali, ku dhe vazhdon karrierën e tij si balerin në televizion dhe në studion e tij të baletit./revistawho.com
https://www.instagram.com/p/By21RaFn81h/?igshid=nzq64giwo5dx
