Për jetesë të shëndetshme mjafton të ndiqni trendet e vendosura nga Gwyneth Paltrow

Gwyneth Paltrow ka qenë e para që përhapi në mbarë botën dietën pa gluten. Në një intervistë të dhënë së fundmi për “The New York Times” ajo ka treguar se libri i saj i gatimit pa gluten ishte katalizatori i një diete të tillë. Megjithatë në fillim Gwyneth u përball me kritika të forta, derisa njerëzit e kuptuan se dieta pa gluten ishte e shëndetshme. “Shtypi ishte super negativ dhe kishte shumë sulme personale për mënyrën se si isha duke ushqyer fëmijët e mi dhe çfarë lloj nëne isha. Tani ushqimet pa gluten janë kthyer në një mënyrë jetese”, ka thënë aktorja e njohur. Sipas saj të njëjtën gjë ka përjetuar edhe kur ajo filloi të praktikonte yoga-n për herë të parë. Gwyneth ka treguar se yoga është praktikuar prej shekujsh, por njerëzit duke qenë se nuk kishin shumë informacion e quanin atë “shtrigë” dhe e shikonin si diçka të keqe. Ndërkohë pritet që Gwyneth të sjellë si trend edhe përdorimin e subastancave psikodelike për shkak të efekteve të tyre në shëndetin mendor. /revistawho.com