Devis Xherahu ka tërhequr vëmendjen e publikut me projektin e tij më të fundit muzikor, i cili është pritur me shumë reagime në YouTube dhe rrjete sociale. Këtë herë, këngëtari vjen me një baladë emocionale, ku xhelozia, malli dhe kujtimet për një dashuri të shkuar janë në qendër të historisë.
Teksti i këngës “Un’ xhelozoj” përqendrohet te mungesa dhe kujtimet që nuk largohen, edhe pas ndarjes. Në vargje si “në çdo hap ndjej aromën tënde” apo “dashnia jote më vret ngadalë” është e thjesht që ta gjejë veten kushdo që ka dashuruar qoftë edhe vetëm një herë.
