‘Për momentin ngriva, ashtu i trembur dola jashtë vetëm me mbathje e kanatjere’

Aldo është një shqiptar që si shumë të tjerë, përjetoi tmerrin e tërmetit që goditi mëngjesin e sotëm Italinë. Fatmirësisht ai jeton në Romë dhe dëmet janë vetëm materiale, por ai na shkruan për të ndarë më ne tmerrin e përjetuar. Ai shkruan se ka qenë në gjumë kur ka ndjerë lëkundjet e para. Fillimisht ka ndaluar me shpresën se tërmeti do ndalojë, por më kot. Ai rrëfen se si ka dalë me vrap jashtë vetëm me mbathje e kanatjere dhe me celular në dorë, ndërsa gjëja e parë që ka bërë është kontakti me familjen. Aldo ka dërguar foto të tijat, ku duket tmerri që ka përjetuar, ndërsa shprehet i shqetësuar për dy miqtë e tij italianë me të cilët nuk po arrin të lidhet. “Pershendetje, oret e para te mengjesit kane qene oret e tmerit dhe frikes, isha ne gjum kur ndjeva lekundjet e para, nuk di te them sec ndodhi me mua ne ate moment jetoj ne katin e 5 te nje pallati 6 katesh, per momentin ngriva duke shpresuar se lekundjet po ndalojne, por jo ai termet zjati gati nje minute , ashtu i trembur dal me shpejtesi duke zbritur shkallet per te arritur jashte ne rruge, isha vetem me mbathje e kanatjere, dhe ne dore vetem telefonin,sapo zbres poshte njoftoj menjehere familjen time ne shqiperi duke i shkruajtur: Termet, Termet. Me poshte po postoj edhe fotot qe bera ne ate moment dhe me pas. Une jetoj ne Rome. Termeti ka prekur te gjithe Lazio. Ka vetem krisje muresh. Por frika ishte prezente tek njerezit. Amatrice ku ndodhi qe 90% e qyteti nuk eshte me, eshte vendi i dy miqve te mi Italian kam qe ne mengjes qe ju telefonoj por nuk jane disponibile nuk jane ne linje, aty ne ate qytet kam shume kujtime”, shkruan “JOQ”.