Princi Harry dhe Meghan Markle për pak sa nuk u përballën me pasoja fatale teksa tentonin t’i largoheshin një paparaci. Incidenti ka ndodhur të martën mbrëma ndërsa lajmin e ka dhënë zëdhënësi i Princit. BBC raporton se incidenti ndodhi pasi Duka dhe Dukesha e Sussex-it morën pjesë në një ceremoni çmimesh në Nju Jork të martën. Në një deklaratë, zëdhënësi i princit tha se ndjekja zgjati për më shumë se dy orë. Çifti për pak sa nuk u përplas me makinat e tjera, këmbësorët dhe oficerët e policisë.
Mediat raportojnë se paparacët iu vunë pas Harry-t dhe Meghan-it pasi ishte dalja e tyre e parë që nga kurorëzimi i mbretit Charles.
Kujtojmë se nëna e Harry-t, princeshë Diana humbi jetën në një skenar të ngjashëm.
