Dita e sotme ka qenë mjaft e trishtë për shqiptarët dhe sidomos për ata që u prekën më shumë nga pasojat e tërmeteve të fuqishme. Institucionet e vendit vazhduan punën jashtë rrjedhës normale për t’ju ardhur në ndihmë banorëve që mbetën pa shtëpi. Shumë evente janë anuluar, për t’ju gjendur pranë personave në nevojë dhe për t’u solidarizuar me situatën. Edhe Bes Kallaku ka vendosur të mos e mbajë mbrëmjen e nesërme premierën e filmit ‘Falco’ në Prishtinë për shkak të situatës nga tërmetet. “Të dashur miq, ju bashkëkombas të Kosovës, Shqipërisë e përtej Drinit: Për shkak të situatës nga tërmetet edhe në dhembje për jetët e humbura, nuk ma bën zemra që nesër të mbaj premierën e filmit ‘Falco’ në Prishtinë, ashtu siç ishte caktuar. Zoti ju ruajt. Ju falenderoj përzemërsisht edhe për mobilizimin tuaj dhe ndihmën që po ofroni vëllezër”, ka shkruar Besi në një postim në ‘Instagram’.
