Era Istrefi ka eksperimentuar gjithmonë me ‘look-un’ e saj, sidomos në klipe apo shfaqje muzikore të rëndësishme. Preej kohësh kemi parë një dashuri të madhe të këngëtares për flokët në ngjyrë të errët.
Për disa muaj, Era nuk lëvizi nga nuancat e brunes, ndërsa së fundmi vendosi të kthehet tek flokët bjondë. Në fillim ajo i hapi pak duke ju afruar ngjyrës së grurit, por nuk e preku rrënjën.
Më tej, gjatë xhirimeve për projektet e reja muzikore, pamë një nuancë platin në flokët e këngëtares dhe ditën e djeshme, Era ndau me të gjithë finalizimin e pamjes si bjonde.
Ajo ka lyer rrënjën dhe ka rifreskuar ngjyrën. “Bjonde e shëndetshme”,-ka shkruar ajo në postimet në fjalë duke dashur të tregojë se të gjithë këto transformime nuk arritën t’a dëmtojnë flokun e saj.
Nëse edhe ju doni të bëni diçka për veten dhe dëshira përfshin ndryshim drastik në ‘look’, bëni kujdes dhe merrini gjërat gradualisht për të shmangur dëmtimet e padëshiruara në flokët tuaj. /revistawho.com
