Macaulay Culkin ose ndryshe siç njihet nga të gjithë Kevin i filmit ‘I vetëm në shtëpi’, ka folur së fundmi për shoqërinë që ai kishte me Michael Jackson.
Sipas ‘Enews’, ai ka treguar se ka qenë një nga shoqëritë më të veçanta me yllin e pop-it dhe më të bukura njëkohësisht.
“Në fund të ditës, ne ishim miq në formën më të thjeshtë të mundshme. Është një nga shoqëritë për të cilën më pyesin më shumë, për shkak të famës së tij”, është shprehur Culkin.
Ndër të tjera ai ka thënë se për të kjo shoqëri ka qenë e zakonshme dhe normale, pavarësisht se të tjerët nuk e kanë parë njësoj si Macaulay.
Aktori tregoi gjithashtu se arsyeja kryesore pse shoqëria e tyre funksionoi ishte sepse ai e trajtonte Michael si një njeri të zakonshëm, ndryshe nga çfarë bënin të tjerët dhe ky ishte një detaj të cilin e pëlqente dhe vetë ylli i pop-it.
Macaulay e quajti Jackson njeri simpatik, bujar, të butë dhe mbretin e muzikës më të qeshur dhe të ëmbël të të gjithë kohërave./revistawho.com
