Alketa Vejsiu dhe Valbona Selimllari shquhen si dy femra mjaft elegante dhe me një fizik për t’u pasur zili. Pavarësisht se të dyja janë bërë nëna disa vite më parë, ato kanë ditur si të ruajnë linjat e tyre trupore. Në fakt duket se Alketa dhe Valbona dinë si të kujdesen për veten dhe si të nisin ditën me energji. Pak minuta më parë, Alketa ka publikuar një fotografi nga mëngjesi i saj pranë Valbona Selimllarit. Të dyja vajzat kanë zgjedhur Pyllin e Liqenit Artificial për të bërë një shëtitje me biçikletë.
Duke marrë parasysh se të dyja janë shumë të angazhuara në punë, sidomos me spektaklin ‘Dance With Me’, kjo duhet të jetë mënyra më e mirë për të fituar energji të reja për një tjetër javë të ngjeshur me aktivitete të shumta. Nëpërmjet kësaj, Valbona dhe Alketa përcjellin dhe mesazhin se nuk ka asnjë lloj justifikimi për t’u marrë me aktivitet fizik. Mjafton vetëm dëshira për të treguar më shumë kujdes ndaj vetes dhe shëndetit dhe mund të gjesh mundësinë në çdo kohë për t’u ushtruar sadopak. /revistawho.com
