Ditët e fundit rrjeti ka marrë “flakë” nga “lufta e Instagramit” mes Ledri Vulës dhe Dafina Zeqirit. E gjitha për çfarë? Për vargjet e dy këngëve që mesa duket kanë bërë xing.
“Vargjet “t’i kam dhon krejt, ama sot m’ke lon (prapë) vetëm”, i dëgjojmë në të dyja këngët, “E keni dit” dhe “Si mua”.
“Unfollow-t”, dhe më pas statuset në “Instastory” vetëm sa i kanë hedhur benzinë zjarrit dhe rrjeti duket se është ndarë në dy grupe, “teamDafina” dhe “teamLedri”.
Megjithatë një sqarim i hapur nuk ka ardhur prej tyre, por prej Elgit Dodës.
Ai ka kërkuar ndjesë, duke theksuar se tekstin dhe muzikën e të dyjave këngëve e ka bërë ai. Ai shton se kënga e Dafinës është shkruar një vit më parë, ndërsa ajo e Ledrit këtë verë.
“Kam mbi 10 vite në këtë tregun tonë të muzikës. Kam bërë shumë këngë dhe shumë tekste. Sot dua të flas për një rast që ka ndodhur këtë verë; bëhet fjalë për 2 këngë të prodhuara nga unë. “E keni dit”, Romeo, Ledri dhe Klementi dhe “Si mua”, kënga e Dafinës dhe e imja. Pikë së pari, dua të them që kënga ime me Dafinën ka mbi 1 vit që është prodhuar me tekst dhe muzikë, ndërsa kënga tjetër, “E keni dit”, është finalizuar këtë verë dhe shumica e vijave melodike dhe disa pjesë e tekstebe janë bërë nga unë dhe pa dashur, mund ta kem përsëritur atë pjesë të tekstit që sot po bën një zhurmë mediatike që unë e shikoj më shumë si marketing për të shfrytëzuar momentin, asgjë më shumë. Mbaj përgjegjësi të plotë sepse jam unë ai që i kam shkruar ato 2 pjesë të tekstit dhe kërkoj ndjesë publike për këtë gjë të bërë jo qëllimisht. Faleminderit”, ka shkruar ai në “Instastory”. Të shohim nëse çdo gjë shuhet me këtë sqarim.
