Të dielën u bë publik lajmi mbi vdekjen në një aksident automobilistik i aktorit të ‘Ertugrul’, Arda Oziri. Ditën e djeshme janë mbajtur homazhet në Izmir, të Turqisë ku miqtë, familjarë dhe kolegë i kanë dhënë lamtumirën aktorin e njohur. Në mesin e pjesëmarrësve ishin edhe aktorët dhe shokët e tij të ngushtë, Burak Altay e Riza Kocaoglu.
Kocaoglu, i njohur për rolet në serialet “Ezel” dhe “I infiltruari” tha se Arda, me të cilin kishte kaluar shumë vite në të njëjtën klasë, ishte rritur përpara të tjerëve pasi kishte humbur edhe babanë në moshë shumë të re.
“Ishte më i shpejti ndër ne. Edhe tani e provoi këtë”,-tha Kocaoglu, ndërsa nëna e aktorit Belkis Oziri dhe e motra Sohret Eyipisiren, ishin në gjendje aq të keqe sa nuk qëndronin dot në këmbë.
Kujtojmë se 35-vjeçari u aksidentua pasi motori i tij rrëshqiti nga rruga duke u përplasur me barrierat në një lagje të Stambollit./revistawho.com
