“Përdorues droge si të gjithë”, reagon Ylli Baka: Ja pse jam përmendur në dosjen e italianëve

Skandali i përgjimeve që shpërtheu ditën e djeshme në Shqipëri, ku u përfshi dhe ish-Ministri i Brendshëm Saimir Tahiri, ka trazuar edhe botën e showbizit. Nga dosja e policisë italiane, në bisedat e tyre, vëllezërit Habilaj kanë përmendur edhe këngëtarin Ylli Baka duke e cilësuar “përdorues droge si të gjithë”. I indinjuar nga kjo situatë, këngëtari e ka përjashtuar veten nga e gjithë kjo, duke sqaruar se raporti i tij me eksponentët e organizatës së trafikut ndërkombëtar të lëndëve narkotike, është thjesht ai i një artisti me fansat e tij. Në një prononcim për “revistawho.com”, këngëtari njohur Ylli Baka ka thënë se nuk e kupton pse është bërë pjesë e kësaj historie. “Miq dhe dashamirës kam kudo, kam kënduar në sebepet e tyre, jemi takuar në vende të shenjta. Çdonjeri e di vetë me çfarë merret. Unë jam këngëtar dhe detyra ime është t’i këndoj popullit tim”, – ka thënë Baka./ revistawho.com