Dy aktorët e njohur turq Asli Enver dhe Ibrahim Çelikkol prej disa kohësh ishin në proces gjyqësor me kompaninë ‘Endemol’. Sipas mediave turke, dy aktorët, të cilët kanë luajtur në dy filma të ndryshëm të kësaj kompanie, nuk janë paguar brenda rregullores. Ata kanë marrë një pagesë bazë dhe më pas, nuk kanë përfituar asnjë të ardhur nga fitimet që kompania nxori si pasojë e shfaqjes së filmit nëpër shtete të ndryshme.
Pas kërkesës së tyre dhe vendimit gjyqësor, është vendosur që dy aktorët të dëmshpërblehen dhe shuma e vendosur nga gjykata është në favor të tyre. Asli Enver do të marrë një dëmshpërblim prej 40 mijë dollarësh ndërsa Ibrahim do të marrë rreth 150 mijë dollarë./revistawho.com
