Ditën e sotme ka përfunduar procesi gjyqësor për dyshen, Noizy dhe Albert Krasniqi. Trupi gjykues ka vendosur që reperi Noizy të dënohet me vlerën monetare prej 2 mijë euro, ndërsa Alberti me 6 muaj burg. Megjithatë është vendosur që muajt e burgimit t’i shlyeje me para dhe plus atyre, duhet të paguajë edhe 8 mijë euro për vepra të tjera të përfshira në aktakuzë. Procesi gjyqësor është mbajtur pa praninë e dy të akuzuarve.
Sherri mes dy reperëve nisi në vitin 2016 në qytetin e Prishtinës, ku ngeli i plagosur Noizy. Për heqjen e plumbit ju desh ndërhyrja kirurgjikale dhe fatmirësisht përfundoi pa pasoja./revistawho.com
