Ditën e djeshme, u zhvillua koncerti i bamirësisë në kuadër të kancerit të gjirit, i organizuar nga YWCA me pjesëmarrjen e Ermonela Jahos, Vikena Kamenica, Enada Hoxha e shumë të tjerë. Në muajin rozë, Ermonela si ambasadore e organizatës, u komentua më së shumti për rikthimin e saj në Shqipëri për këtë kauzë të rëndësishme. Mesa duket koncerti ka qenë i suksesshëm, e për këtë Enada ka publikuar disa foto të shkëputura nga mbrëmja me një dedikim të veçantë. “Koncert bamirësie, Ermonela Jaho @ywcaalbania, e nderuar që isha krah teje në këtë event të rëndësishëm si kjo kauzë së Fjongos Rozë. Bashkë me artistet e nderuara, Vikena Kamenica, Elda Laro, dhe Pantesinela Jaho”, shkruan ajo. Ky koncert është një nga eventet më të rëndësishme dhe të veçanta që e kemi parë Enadën të performojë e duket se ajo bashkë me koleget e tjera pjesëmarrëse ja kanë dalë më së miri në këtë nismë. Së fundmi balerina e njohur është edhe pjesë e jurisë së spektaklit “Dance with me”.
https://www.instagram.com/p/B38GDdGpdH9/
