‘Wake Up’ ka mbyllur sot një tjetër sezon të suksesshëm dhe krahas një fotoje me gjithë stafin e programit të mëngjesit, ai ka dhënë një lajm të bukur për vazhdimësinë e programit.
“Përfundoi sot një sezon i gjatë miq. Një sezon sa i lodhshëm, i ngjeshur aq edhe i bukur, vërtet. Faleminderit shumë këtyre çunave e gocave, që punojnë çdo ditë, me orare të çuditshme dhe jo normale, por me pasion për punën që kanë zgjedhur të bëjnë, e me një dashuri të madhe për vetë programin “Wake Up”, pasion pa të cilin vështirë se do të arrihej rezultat i lartë, i mirë dhe i kënaqshëm. Duke shpresuar që ju kemi zgjuar me pozitivitet dhe profesionalizëm, ju themi se vitin tjetër programi do të jetë plot 3 orë, nga ora 7-10. Faleminderit shefes, asaj që i ka qëndruar në kokë kësaj sipërmarrjeje, Aida Tucit, për të gjithë mbështetjen personale, por edhe në grup. Nuk ka të dytë. Dhe ju miq që na keni përkrahur dhe ndjekur këta 11 muaj, ju falenderojmë. Ori, të puthim nga larg! Pushime të mbara! Mos harroni, ju duam shumë”, shkruan ai.
Isli dhe Ori siç duket do jenë sërish në drejtimin e programit të mëngjesit, por me një transmetim më të gjatë në kohë. Kujtojmë se Ori është në xhirimet e ‘Pushime on Top’, programit veror që mban publikun mbërthyer pas ekranit. Në këtë emision ajo ka bashkëprezantues Florin. / revistawho.com
