Përgatituni për shi, moti vjen sërish me të papritura

Qershori filloi me temperatura mjaft të larta ku maksimalja në disa qytete arriti deri në 35 gradë. Njerëzit ju drejtuan bregdetit si shpëtimi i vetëm i cili i mposht vapën e madhe. Por duket se kjo situatë nuk do të zgjasë shumë, pasi moti ka rezervuar surpriza të papritura. Sot pasdite dhe nesër pritet të ketë reshje të dobëta në të gjitha qarqet e vendit. Reshjet priten kryesisht në pjesët kodrinore-malore të qarqeve. Mundësitë më të mëdha të rënies së tyre janë pasdite, përjashtuar qarqet Lezhë, Durrës dhe Tiranë, ku shumica e reshjeve priten sonte deri nesër në mëngjes. Temperaturat do të arrijnë nga 19 gradë në zonat malore deri në 27 gradë në zonat e ulta./revistawho.com