Qershori solli zyrtarisht edhe sezonin e verës. Qe në ditët e para të tij u vu re një rritje e ndjeshme e temperaturave ku në disa qytete temperaturat arritën deri në 35 gradë celsius . Shumë njerëz fundjavën e kaluan pranë detit ose në pishina për të shuar sadopak vapën. Por duket se duhet të bëni plan edhe për nesër. Dita e premte parashikohet të jetë mjaft e nxehtë dhe zgjidhja më e mirë për ta shijuar është deti ose pishinat. Temperaturat maksimale do të arrijnë deri në 39 gradë. Për të gjithë ata të cilët nuk kanë mundësi të shkojnë në bregdet, sinoptikanët këshillojnë që të shmangen lëvizjet në mes të ditës, pasi në ato orë temperaturat do të kapin kulmin./revistawho.com
