Menjëherë pasi fituan festivalin e ‘Sanremo’, Ermal Meta dhe Fabrizio Moro fituan vëmendjen dhe zemrat e gjithë publikut. Ditën e djeshme në një llogari në ‘Instagram’ u përhapën disa vizatime ku dy këngëtarët dukeshin në momente shumë intime me njëri-tjetrin. Por nga ana e Ermal Metës pati një reagim të menjëhershëm. Me ironi Ermali tha se ai duhet shumë me Fabrizo Moron, por jo aq shumë.
Megjithatë këngëtari me origjinë shqiptare nuk e la me kaq. Pas kësaj ai bëri një postim në ‘Twitter’ me të cilin ‘u mbylli gojën’ të gjithëve.
“Njerëz ironizova postimet tuaja pa u ndjerë i ofenduar. Homoseksualiteti nuk është diçka për t’u ofenduar. Thjesht më pëlqejnë gratë, ashtu siç i pëlqejnë edhe Fabrizios. Nëse do të ndryshojë gjë, u premtoj se do ta merrni vesh nga unë personalisht” ka shkruar Ermal Meta. Për më tepër rikujtojmë se Moro është i martuar dhe ka dy fëmijë, ndërsa Meta është në një lidhje shumëvjeçare me një gazetare italiane. /revistawho.com
