PERJETESISHT I DYTI/ E pyesin a do të bëhet dot Mbret, shikoni si përgjigjet Princi Harry

“Kjo është një pyetje që do të donin të ma bënin të gjithë, le të tregohemi të ndershëm! Mbase do të jeni të lumtur të dini që me shumë gjasë nuk do të bëhem Mbret”. Kjo është përgjigja që Princi Harry ka dhënë për pyetjen që mund të kishte “guximin” t’ia bënte, vetëm një fëmijë. Princi ishte për një vizitë në shkollën fillore të Lambs Lane në Wokingham, për të xhiruar një edicion special të “Game Changers” për Sky Sport. Ishte pikërisht Tristan, një vogëlush 9-vjeçar që e pyeti Princin drejtëpërdrejtë, nëse do të bëhet Mbret apo jo. Dhe Harry iu përgjigj duke buzëqeshur. Mirëpo siç raporton “Daily Mail”, fati i shenjuar i Harry-t larg fronit sidomos pas lindjes së fëmijës së dytë të vëllai të tij të madh, nuk i pëlqen aspak të riut. Në të ardhmen ai do të mbetet gjithnjë i dyti, vëllai ose xhaxhai i Mbretit apo Mbretëreshës.