Miley Cyrus para pak javësh qëndroi e shtruar në spital për shkak të një inflamacioni të bajameve, por duket se gjendja e saj ka qenë më e rëndë. Së fundmi është mësuar se nga i njëjti problem janë prekur edhe kordat e saj vokale, ndaj ajo i është nënshtruar një operacioni. Sipas “People” këngëtarja e ka pasur prej vitesh këtë problem, por ajo nuk e kishte kuptuar. Është mësuar se tashmë Miley ka dalë nga spitali dhe se po kurohet. “People” ka raportuar se procesi i saj i rikuperimit do të marrë pak kohë dhe për disa javë ajo do të qëndrojë e heshtur. Madje edhe vetë Miley tregoi para pak ditësh se kishte lënë pas dore trupin, për t’u kujdesur për vokalin e saj.
Fansat e Cyrus nuk do munden ta dëgjojnë për pak kohë zërin e saj, ndoshta deri vitin e ardhshëm. Gjatë kësaj kohe Miley ka pasur mbështetjen e familjarëve të saj, mbi të gjitha të të dashurit të ri, Cody Simpson, i cili i ka qëndruar gjithmonë pranë. /revistawho.com
