Fama e saj rritet dita-ditës, por ajo përsëri mbetet një person i thjeshtë, e qeshur dhe tepër miqësore. Dua Lipa, së fundmi ka dhënë një intervistë për një gazetë njujorkeze. ‘Dua Lipa po lufton që të jetë e para’, kështu e fillon artikullin Spin Magazine, e cila shkruan edhe për rrënjët shqiptare të këngëtares prishtinase. Ajo ka zbardhur edhe një detaj mjaft interesant rreth jetës private, përkatësisht punën që ka bërë para se të bëhet e famshme.
“Kam punuar si mikpritëse në një restorant meksikan, megjithëse kurrë nuk më kanë pëlqyer restorantet meksikane. Shumë njerëz deheshin dhe bënin probleme dhe këto momente më bënë të them se nuk do të vazhdoja të merresha me këtë profesion”- është shprehur Dua. Ajo gjithashtu ka treguar idhujt e saj që janë Pink, Beyonce dhe Nelly Furtado.
