Pas një mungese prej tre vitesh në televizion, Sonila Meço, pritet të rikthehet sërish si moderatore, këtë herë në ekranin e ‘Ora News’. Meço do të drejtojë një program javor, “Tempora”, që pritet të jetë i mbushur me shumë informacion dhe argëtim. Pavarësisht se kjo shënon një nisje të re në karrierën e saj, duket se gjërat nuk kanë ecur shumë mbarë. Sonila ka pësuar një dëmtim në këmbë dhe për këtë do i duhet që të shfaqet për herë të parë me atlete në një program televiziv. Ajo ka publikuar në ‘Instagram’ një fotografi të këmbës, duke treguar se po kujdeset që të shërohet sa më shpejt.
“Asnjëherë nuk e dimë nga ç’e keqe më e madhe na ka ‘mbrojtur’ tersi…Ndaj i pres me dashuri urimet. Hera e parë që do vesh atlete në një program televiziv në prime time, (përpos patericës në dekor). Mos më akuzoni për ‘plagjaturë’”, – ka shkruar moderatorja përkrah fotografisë. “Tempora” do të transmetohet çdo të martë në orën nëntë në mbrëmje. /revistawho.com
