Marina është femra bukuroshe e seksi që të gjithë e duan, ndërsa Getoari është reperi simpatik por shumë i famshëm. Sot për sot një nga çiftet më të përfolur të shoëbiz-it në Shqipëri. Kjo i bën ata të kenë një farë ngjashmërie me një tjetër çift të famshëm në të gjithë botën, atë të Kim Kardashian dhe Kanye West. Një tjetër përpjekje e çiftit tonë për t’i ngjarë sa më shumë atyre, është një shënim i ri që Getoar Selimi ka shtuar në CV-në e tij në Instagram. Ai e ka quajtur veten një “fashion designer”. Nuk do të jetë çudi që ndoshta shumë shpejt të shohim Marina Vjollcën të veshë kombinimet që sugjeron i dashuri i saj nga Prishtina ashtu siç bën edhe Kanye me Kim. Kujtojmë se kohë më parë, Getoari ka realizuar një koleksion bluzash e kapelesh për labelin e tij “Babastars”.
