Nicole Kidman dhe Salma Hayek u përfshinë në një incident të diskutueshëm gjatë Javës së Modës në Paris, në një ngjarje që ndezi spekulime për një përplasje mes tyre.
E gjithë kjo ndodhi në shfaqjen e Balenciaga, ku të dyja aktoret u panë duke ndarë një moment të tensionuar, ku duket se Kidman shtynë Salmën duke refuzuar të pozonte për një foto me të.
Ky moment, i regjistruar nga kamerat, u shpërnda masivisht në rrjetet sociale dhe ndezi debatin për marrëdhënien e tyre.
Megjithatë, sipas burimeve të afërta të të dyja aktoret, thuhet se nuk ka asnjë konflikt të vërtetë mes tyre.
Nicole Kidman, 57 vjeç, thuhet se u bezdis nga fotografët që i thërrisnin me insistim për më shumë foto, gjë që shkaktoi largimin e saj të papritur.
Incidenti ndodhi kur të dyja aktoret, së bashku me Perry, u ftuan të pozonin për foto pas shfaqjes. Hayek, e cila është e martuar me pronarin e Balenciaga, François-Henri Pinault, i kërkoi Kidman të pozonin bashkë, por Kidman, me syze të mëdha të zeza, duket se e shmangu kërkesën e saj duke larguar dorën e Hayek dhe duke u larguar nga vendi. Kjo skenë u interpretua nga shumë si një shenjë përplasjeje mes tyre, duke shkaktuar komente të shumta në rrjetet sociale.
