Ai është një nga artistët e rinj që me zërin e tij premton shumë për një karrierë të suksesshme në muzikë. Pjesëmarrja e tij në festivalin “Kënga Magjike” dhe suksesi që pati atje, e vërtetoi edhe njëherë talentin e Klint Çollakut.
Në atë periudhe artisti i ri pati një debat me Kastro Zizon, pasi edhe pse merrte pjesë për herë të parë në atë spektakël, produksioni vendosi të mos e fuste në kategorinë e artistëve të rinj, por tek ata “big”.
I ftuar në Emisionin “Lart e Poshtë”, Klinti tregoi se marrëdhënia midis tyre tani është shumë e mirë dhe se ajo që ndodhi ishte diçka e vogël që u sqarua.
I pyetur në qoftë se mendonte se e ekzagjeroi me atë debat, Klinti tha: “Po pra po. Unë jam i ri, në eksperiencë përsa i përket “Këngës Magjike”, por unë nuk kisha hyrë në kategorinë e të rinjëve, këtë e thoshte spektakli, këtë doja të sqaroja ndërkohë që Kastro po thoshte të kundërtën. Ndërkohë që Arditi tha se për disa arsye unë do të isha në kategorinë “Big”- ka thënë Klinti, duke u treguar i hapur për të pranuar edhe një këngë të bërë nga Kastro në qoftë se do i pëlqente.
Artisti gjithashtu ka zbuluar se së shpejti do të vijë edhe me një projekt të ri muzikor për të cilin nuk ka zbuluar asnjë detaj./revistawho.com
https://youtu.be/EuuIV1LLzqI
