Një situatë e tensionuar u zhvillua mbrëmë mes Albës dhe Bia-s në dhomën e gjumit, ku një mosmarrëveshje për vendin e fjetjes përfundoi me rrëzim dhe përfshirjen e banorëve të tjerë.
Gjithçka nisi kur Alba i bëri të qartë Bia-s se nuk dëshironte më të ndante shtratin me të pasi mori vesh se Bia e kishte gënjyer për marrëdhënien e saj me Limin. Fillimisht i kërkoi që të zhvendosej, duke i përmendur alternativën që kishte.
“E ke krevatin poshtë”, i tha ajo Bia-s.
Me kalimin e minutave, tensioni u rrit. Alba filloi të tërhiqte jorganin, me synimin që Bia t’i lironte vendin dhe ajo të merrte shtratin. Megjithatë, Bia refuzonte të largohej, duke mos pranuar kërkesën.
Në një moment, ndërsa Alba po e tërhiqte jorganin, Bia përfundoi në tokë. Pas rrëzimit, ajo reagoi duke i kërkuar Albës të ndalonte.
“Më lërë rehat”, i tha ajo Albës.
Situata nuk u qetësua as pas incidentit. Alba pretendoi se rrëzimi nuk kishte qenë aksidental dhe e akuzoi Bia-n se e kishte bërë me qëllim.
“U rrëzove me qëllim”, i thoshte ajo Bias.
Përplasja për çështjen e shtratit tërhoqi vëmendjen edhe të banorëve të tjerë, mes tyre edhe Limi. Më pas, Londrimi iu afrua Bia-s dhe i kërkoi që të tregonte më shumë mirëkuptim, duke e nxitur ta lironte vendin për të shmangur përshkallëzimin e mëtejshëm të situatës.
Ngjarja krijoi tension në shtëpi dhe u bë menjëherë temë diskutimi mes banorëve, duke lënë të hapur pyetjen se si do të ndikojë kjo përplasje në marrëdhëniet mes tyre në ditët në vijim.
