Gjatë spektaklit “Dance With Me” ka patur një konfrontim mes anëtarit të jurisë Robert Alia dhe këngëtares Albërie Hadërgjonaj. Gjatë gjykimit të tij ai nuk është fokusuar tek kërcimi i këngëtares duke u shprehur se nuk mund t’i jepte pikë. “Do të kisha dhënë më shumë se pesë pikë nëse Albëria nuk do të fliste pas kurrizit tim”, -është shprehur ai. Këngëtarja kosovare i është përgjigjur me ironi duke thënë: “Si mund të mos flas për një karamele pa ambalazh si koka jote”. Më tej Alia vazhdoi duke thënë se në spektakël duhen vënë kritere. “Jemi artistë, s’ka nevojë për thashetheme” e ka mbyllur ai përplasjen mes tyre. Pas kësaj situate spektakli ka vijuar rrjedhën normale.
