Pas një rrugëtimi të gjatë dhe emocional, Beatrix Ramosaj dhe Alban Ramosaj kanë ndarë me publikun lajmin që familja e tyre priste prej muajsh. Nëna e tyre ka përfunduar kimioterapinë dhe terapinë me rreze. Përmes një postimi të ndjerë, dy artistët e përshkruajnë këtë kapitull si një sfidë që i ka transformuar, duke e kthyer dhimbjen në mirënjohje dhe pritjen në shpresë.
“Përqafimi për të cilin jemi lutur. Ka qenë një udhëtim i vështirë, i vështirë për t’u përshkruar me fjalë, por mirënjohja dhe optimizmi mbizotërojnë. Edhe pse kjo sfidë e vështirë është afër për t’u përfunduar, na kujton se jeta është e shkurtër dhe duhet të jetuarit… dhe të mbajturit të dashurit tanë çdo moment është një dhuratë dhe një privilegj,” shkruajnë ata, duke nënvizuar forcën që ka mbajtur familjen të bashkuar gjatë gjithë procesit.
Në të njëjtin postim, Beatrix dhe Albani bëjnë të ditur se në muajin mars do të kryhet skanimi i parë pas trajtimeve, ndërsa shpresa për rikuperim të plotë mbetet qendrore në mesazhin e tyre. “Nëna ka përfunduar zyrtarisht kimioterapinë dhe terapinë me rreze… lutemi dhe e manifestojmë që rezultati të jetë rikuperim i plotë nga kjo sfidë. Të duam shumë, nënë,” përfundon dedikimi, një deklaratë që rezonon përtej historisë së tyre personale.
Ky moment i familjes Ramosaj rikujton se triumfet më të mëdha ndodhin zhpesh larg skenës. Për ta, përfundimi i terapive nuk është vetëm një etapë mjekësore por një dëshmi e qëndrueshmërisë, e dashurisë dhe e fuqisë së shpresës që vazhdon.
