Ata sot nuk flasin me njëri-tjetrin e madje refuzojnë të bëjnë komente publikisht, por dikur kanë qenë shokë të ngushtë. Aktorët Julian Deda dhe Gentian Zenelaj, për vite me radhë kanë qenë dyshja që na kanë bërë të qeshim me lot, e shpesh i shikonim bashkë edhe jashtë punës. Sipas komenteve e thashethemeve, ishin lëvizjet nga puna që shkaktuan krisjen e më pas edhe fundin e miqësisë së tyre. “Gsh.al” sjell sot një artikull botuar në mars të vitit 2009, në të cilin tregohet për ditët e arta të miqësisë së Julit dhe Gentit.
“Nuk i harrojnë asnjëherë batutat e humorit, me të cilat mbajnë gjallë gjithmonë miqtë e tyre që i duan aq fort. Ja tek shohim bashkë Julin dhe Gentin, të cilët gjithmonë e kanë një ftesë në evenimente të tilla, dhe që në fakt rrallë herë u qëllon t’i refuzojnë”, shkruan “gsh.al”.
