Po bëhen afro 4 vite që nga koha kur këngëtari shumë i dashur për publikun shqiptar Dr.Flori ndërroi jetë. 17 nëntori i 2014-s ishte një ditë e dhimbshme për të gjithë publikun që e adhuronte muzikën që ai bënte së bashku me djemtë e grupit West Side Family. Por ditën e sotme të gjithë ata që kanë dashur Florin dhe muzikën e tij, kanë kujtuar përvjetorin e 39-të të lindjes së këngëtarit.
Nuk mund të mungonte një dedikim nga Landi dhe Miri, por edhe këngëtarja e njohur Aurela Gaçe me të cilën Flori ka pasur dhe shumë bashkëpunime, i dedikoi disa fjalë shumë prekëse. “Sot në këtë ditëlindje nisa të shoh fotot e tua…dhe dua të të them se më mungon shumë o shok. Ti vetë e shkrove se jeta shkon” ka shkruar Aurela. Madje këtë dedikim ajo e ka shoqëruar me disa fotografi të Dr.Florit me familjen e tij.
Ndërkohë në këtë ditë kaq të rëndësishme, djemtë e West Side Family, kanë njoftuar se për gjithë fansat e tyre do të publikojnë disa video të reja të shkëputura nga koncertet e tyre. /revistawho.com
