Ajo është gruaja më e bukur në botë, është martuar me burrin më të bukur në botë, ka fëmijë të shëndetshëm, sukses, famë, para, e megjithatë diçka nuk shkon me të. Angelina Jolie nuk është mirë. Në fakt kjo s’është hera e parë që portalet “gossip’ japin alarmin, por imazhet e fundit që shfaq ylli i kinemasë janë vërtetë shokuese. Nëna e gjashtë fëmijëve, është fotografuar në Londër dhe duket më e dobët se kurrë, e sipas dietologëve që kanë folur për revistën “Radar Online”, ajo tani peshon rreth 35 kilogramë.
ANOREKSIA
Sipas agjencisë amerikane, si i ati i 41-vjeçares Jon Voight ashtu edhe bashkëshorti i saj Brad Pitt janë të alarmuar për dobësimin ekstrem të yllit amerikan. Vetë Angelina nuk ka pranuar asnjëherë të flasë publikisht për poblemet e saj me ushqimin, mirëpo disa herë tabloidet kanë shkruar se ajo vuan nga anoreksia. Këtë problem thuhet se artistja e ka pasur edhe në moshë të re dhe është shtruar disa herë në klinika të specializuara.
PROBLEMET ME SHENDETIN
Pas vdekjes së të ëmës në vitin 2007-të, Jolie kaloi një periudhë shumë të vështirë dhe humbi shumë kilogramë. Asokohe ajo i tha gazetarëve: “Kam qenë gjithnjë shumë e dobët dhe humbja e nënës sime ishte një goditje e fortë”. Në vijimësi 41-vjeçarja e zgjedhur si gruaja më e bukur në botë nga revista People në vitin 2004, ka pasur disa probleme me shëndetin dhe në vitin 2013 bëri dy ndërhyrje kirurgjikale, një në gjoks dhe një në vezore.
