Pete Davidson tashmë mund të quhet edhe një model, pasi mori pjesë në një sfilatë për herë të parë. Ky lajm habiti jo vetëm fansat e tij, por dhe kolegët. Pete ishte pjesë e ‘Alexander Wang’ në New York së bashku me Kendall Jenner, por kjo e fundit nuk e dinte se pjesë e saj do të ishte dhe komediani. ‘E!News’ ia dha lajmin supermodeles gjatë një interviste të shkurtër dhe reagimi i saj ishte epik. “Është vërtetë? E bëri vërtetë? O zot i madh”, është shprehur Kendall tepër e emocionuar. “Mendoj se është një djalë që ka shumë vetëbesim dhe them se ka për t’ja dalë të duket shumë mirë”, ka vazhduar Kendall dhe vërtetë, kështu ndodhi. “Kisha kohë që mendoja të bashkëpunoja me të. Në fillim i dërgova një mesazh dhe e pyeta se si i dukej ideja për të marrë pjesë në sfilatë dhe përgjigja e tij ishte: ‘Sigurisht’. Mendoja se do ishte më e vështirë, por atij i pëlqeu vërtetë propozimi”, është shprehur Wang. “Gjatë gjithë kohës besoja se do ishte tepër nervoz, ose nuk do e vazhdonte sfilatën, por ai ia doli shumë mirë. Jam shumë me fat që u bë pjesë e sfilatës”, ka vazhduar stilistja e famshme. Kujtojmë se Pete u komentua për një kohë të gjatë për lidhjen e tij me aktoren Kate Beckinsale./revistawho.com
