Pink është treguar gjithmonë shumë e drejtpërdrejtë me njerëzit që e ndjekin dhe nuk ka pasur asnjëherë problem të rrëfejë të vërtetat e jetës së saj. Së fundmi këngëtarja ka publikuar këngën “Happy”, që është pjesë e albumit të saj “Hurts 2B Human” dhe që mbart një histori shumë prekëse. Pink ka zbuluar se në këngën e saj tregon për një abort që ka bërë kur ka qenë adoleshente. “Qëkur kam qenë 17 vjeçe gjithmonë e kam urryer trupin tim dhe ndjej sikur edhe trupi më ka urryer mua”, thotë Pink në fillimin e këngës së saj. Në një intervistë për “Usa Today”, këngëtarja ka rrëfyer se ka pasur gjithmonë një fizik shumë të fortë, por kur ishte 17 vjeçe nuk mund ta shmangte abortin. “Unë do e lindja atë fëmijë, por kur një grua ose vajzë kalon një abort, ndjen sikur trupi të urren ty dhe se trupi yt është i dërmuarr dhe nuk po bën atë gjë që është e supozuar se duhet të bëjë”, ka thënë Pink. Më tej ajo ka shtuar se ka pasur disa aborte të tjera, megjithatë gjithmonë ka qenë e aftë të vazhdojë para në jetë. Këngëtarja ka treguar se ndjek një terapi, që e ndihmon shumë të njohë pikat e dobëta dhe të punojë për to. Pavarësisht vështirësive që ka kaluar, sot Pink është nënë e dy fëmijëve, një vajze 7 vjeçe dhe një djali 2-vjeçar. /revistawho.com
https://www.instagram.com/p/BvqsPX5hZoN/?utm_source=ig_embed
