Moderatorja e njohur Argjira Spanca ka qenë së fundmi e ftuar në emisionin “Hap Ç’ju” me Visjan Ukcenaj dhe Cubi Metkaj, ku ka ndarë me publikun më shumë rreth jetës dhe karrierës së saj në televizion. Ndër të tjera, ajo foli për përvojat që e kanë formuar dhe projektet që ka realizuar, përfshirë emisionin e saj të njohur “She’s On Top”, që transmetohet në Top Channel.
Por ajo që tërhoqi vëmendjen ishte momenti kur Cubi e pyeti moderatoren nëse ajo dhe partneri i saj, balerini Graciano Tagani, po mendojnë të bëhen prindër.
Argjira nuk ngurroi të përgjigjej me sinqeritet, duke thënë:
“Jam në një fazë që thjesht e kam lënë në dorë të Zotit. Mendoj realisht që kur të vijë do vijë.”
Argjira dhe Graciano janë një nga çiftet më të dashura për publikun, dhe çdo lëvizje e tyre komentohet gjerësisht. Kjo përgjigje e moderatores vetëm sa shton kuriozitetin për të ardhmen e tyre bashkë. A do të vijë së shpejti një lajm i madh? Koha do ta tregojë.
