Një dramë e madhe shpërtheu dje në rrjet dhe shkak u bënë dy video për kujdesin e lëkurës. Hailey Bieber postoi video në “TikTok” duke treguar rutinën e saj të kujdesit të lëkurës dhe pak orë më vonë Selena Gomez publikoi një klip të ngjashëm po në “Tik Tok”, ndaj shumë ndjekës e shpërndanë videon ose komentuan duke e trajtuar si kunjë nga ana e Selenës për Hailey.
Por këngëtarja vendosi të sqarojë duke deklaruar: “Kjo është arsyeja pse unë besoj në kujdesin për shëndetin tuaj mendor. Nuk e di se çfarë bëra, por me të vërtetë më vjen keq. Nuk kisha qëllim të keq dhe videoja do fshihet së shpejti”.
Këngëtarja çaktivizoi edhe komentet në videon e saj, pasi shumë ndjekës ju kthyen kundër.
Selena dhe Hailey janë vënë shpesh përballë njëra-tjetrës për lidhjet e tyre me Justin Bieber. Por të dyja kanë treguar shpesh se nuk kanë armiqësi mes tyre./revistawho.com
