Midis Belen Rodriguez dhe Stefano De Martino-s ka plasur lufta! Siç bëjnë me dije burime pranë çiftit, që kur prezantuesja ka zyrtarizuar lidhjen me pilotin Iannone, gjërat janë tensionuar shumë raportojnë mediat italiane. Ish-burri i Belen nuk e kapërdin dot faktin që i dashuri i saj i ri frekuenton shtëpinë ku po rritet i biri Santiago. Veç kësaj ai kundërshton edhe marrëdhënien që ka krijuar piloti me djalin e të dashurës bukuroshe. Ndaj kur janë publikuar fotot ku Andrea Iannone ha darkë dhe më pas merr në makinë Belen dhe të birin, për të shkuar në shtëpinë e këtyre të fundit, Stefano është tërbuar.
