Pas lajmit se Kim Kardashian ka përjetuar një natë tmerri në dhomën e saj në Paris, në Twitter nuk kanë munguar statuse ironizuese lidhur me këtë.
Komente nga më të ndryshmet janë bërë për 35 vjeçaren dhe burrin e saj Kanye West që ndërpreu koncertin që po mbante në New York. Në rrjete sociale kanë reaguar edhe disa prej miqve të saj të cilët nuk i shohin aspak të arsyeshme ofendimet që po i bëhen Kim Kardashian në këtë moment të vështirë.
Prezantuesi televiziv, James Corden shkruan në Twitter:
“Njerëzit bëjnë shaka me atë që i ndodhi sot Kim Kardashian, por kujtohuni se ajo është një nënë, një vajzë, një bashkëshortë dhe një shoqe. Tregohuni të sjellshëm ose pushoni.”
Një tjetër reagim vjen nga mikesha e saj, Chrissy Teigen që është martuar me këngëtarin John Legend shkruan:
“Askush nuk kërkon simpatinë tuaj. E di që plani i lojës është të urreni çdo person të famshëm”
