“E premtja pa shikues e Top Channel/ Ledioni dështon me “The Voice””, është titulli i artikullit që u kthye në mollë sherri midis moderatorit të “Top Channel” Ledion Liço dhe gazetares Rudina Xhunga, publikuar në portalin e kësaj të fundit. Sipas artikullit të “dritare.net”, Ledioni nuk ka ndjekës të premteve me “The Voice” dhe se vendin e parë e mban Arian Cani ndërsa Turjan Hyska pjesën tjetër.
“Vetë Ledioni e ka humbur lidhjen me shikuesin. Ai tani, nuk është më ylli i Topit, por burri i Sarës, trashëgimtares së Top Channel”, shkruhej ndër të tjera në shkrimin e portalit të Rudina Xhungës.
Përgjigja e Ledioni erdhi një ditë më vonë, pikërisht mëngjesin e sotëm. Ai ndau në Instagram një foto ku tregohen matjet e audiencës dhe një përgjigje të drejtëpërdrejtë për vetë Xhungën, dikur një figurë me peshë në të njëjtin televizon.
“Për Xhungat e kësaj bote dhe për Rudina Xhungën e cila shkruan keq, jo sepse mendon keq për Top Channel, por sepse ky i fundit e përcolli për në dritaren e fundit”./ revistawho.com
